ស្វែងយល់ពីជម្រើសគម្រោងធានារ៉ាប់រង ឆ្នាំ 2026 របស់អ្នក ហើយចុះឈ្មោះថ្ងៃនេះ
Skip to content
ត្រលប់ទៅ blueshieldca.com
ទាក់ទងមកយើងខ្ញុំ
បង្កើនទំហំអត្ថបទ បន្ថយទំហំអត្ថបទ
ចុះឈ្មោះឥឡូវ

កម្មវិធីផ្តល់ជំនួយសម្រាប់មនុស្សចាស់ និងអ្នករស់នៅក្នុងរដ្ឋកាលីហ្វ័រញ៉ា

ក្នុងនាមជាសមាជិក Medicare អ្នកអាចមានលក្ខណៈសម្បត្តិគ្រប់គ្រាន់ក្នុងការទទួលបានអត្ថប្រយោជន៍ពីកម្មវិធីនានារបស់ខោនធី រដ្ឋ និងរដ្ឋាភិបាលសហព័ន្ធ។ កម្មវិធីទាំងនេះ អាចជួយបំពេញតម្រូវការផ្នែកថែទាំសុខភាពរបស់អ្នក និងជួយកាត់បន្ថយថ្លៃចំណាយរបស់អ្នក។ កម្មវិធីទាំងនេះ មិនមែនជាកម្មវិធីរបស់ Blue Shield of California ទេ។ ទោះជាយ៉ាងណាក៏ដោយ យើងអាចជួយភ្ជាប់អ្នកទៅកាន់សេវាទាំងនេះបាន។ សមាជិកគម្រោងធានារ៉ាប់រងបំពេញបន្ថែម គួរតែបញ្ជាក់ព័ត៌មានជាមួយទីប្រឹក្សា Medicare។

កម្មវិធីសន្សំប្រាក់ Medicare របស់រដ្ឋកាលីហ្វ័រញ៉ា

កម្មវិធីសន្សំប្រាក់ Medicare ជួយរ៉ាប់រងថ្លៃបង់ធានារ៉ាប់រងនៃ Medicare ផ្នែក A និងផ្នែក B និងចំនួនទឹកប្រាក់នៃការធានារ៉ាប់រងរួម។ ស្វែងយល់ថា តើអ្នកមានសិទ្ធិទទួលបានកម្មវិធីសន្សំប្រាក់ Medicare ឬអត់ ឬទូរសព្ទទៅខ្សែទូរសព្ទជំនួយសមាជិក Medi-Cal របស់ DHCS តាមរយៈលេខ (800) 541-5555 ចាប់ពីម៉ោង 8 ព្រឹក ដល់ 5 ល្ងាច។ ខ្សែទូរសព្ទនេះ មានផ្តល់សេវាពីថ្ងៃចន្ទដល់ថ្ងៃសុក្រ។ 

Medi-Cal៖ របៀបដាក់ពាក្យស្នើសុំ និងបន្តសុពលភាពជាថ្មី

សមាជិក Medicare ដែលមានចំណូលទាប ក៏អាចមានសិទ្ធិទទួលបាន Medi-Cal ផងដែរ។ សូមពិនិត្យមើលថា តើអ្នកមានសិទ្ធិទទួលបាន Medi-Cal ឬអត់។ ប្រសិនបើអ្នកមាន Medi-Cal និង Medicare រួចហើយ (គេហៅថា ការមានសិទ្ធិទទួលបានកម្មវិធីទាំងពីរ) សូមស្វែងរកធនធាន ដើម្បី រក្សាសិទ្ធិទទួលបាន Medi-Cal របស់អ្នក។ អ្នកក៏អាចទូរសព្ទទៅខ្សែទូរសព្ទជំនួយសមាជិក Medi-Cal របស់ DHCS តាមរយៈលេខ (800) 541-5555 ចាប់ពីម៉ោង 8 ព្រឹក ដល់ 5 ល្ងាច។ សេវានេះ មានផ្តល់ជូនចាប់ពីថ្ងៃចន្ទដល់ថ្ងៃសុក្រ។

កម្មវិធីឧបត្ថម្ភសម្រាប់អ្នកមានចំណូលទាបនៃ Medicare ផ្នែក D (ដែលគេស្គាល់ផងដែរថា ជំនួយបន្ថែម (Extra Help)) 
 

សមាជិក Medicare មួយចំនួនអាចមានសិទ្ធិទទួលបានកម្មវិធីឧបត្ថម្ភសម្រាប់អ្នកមានចំណូលទាបនៃគម្រោងឱសថតាមវេជ្ជបញ្ជារបស់ Medicare (ផ្នែក D) (ដែលគេស្គាល់ផងដែរថា ជំនួយបន្ថែម (Extra Help))។ កម្មវិធីនេះជួយកាត់បន្ថយការបង់រួមសម្រាប់ឱសថតាមវេជ្ជបញ្ជា និងថ្លៃបង់ធានារ៉ាប់រងនៃផ្នែក D។ ស្វែងយល់បន្ថែមអំពីកម្រិតនៃជំនួយ និងថាតើអ្នកមានសិទ្ធិទទួលបានជំនួយនេះឬអត់។ អ្នកក៏អាចទូរសព្ទទៅរបបសន្តិសុខសង្គមដោយឥតគិតថ្លៃ តាមរយៈលេខ (800) 772-1213 [TTY: 800-325-0778] ចាប់ពីម៉ោង 7 ព្រឹក ដល់ 7 ល្ងាច។ សេវានេះមានផ្តល់ជូនចាប់ពីថ្ងៃចន្ទដល់ថ្ងៃសុក្រ។

សម្រាប់សំណួរអំពីការមានសិទ្ធិទទួលបានកម្មវិធីទាំងពីរ កម្មវិធីសន្សំប្រាក់ Medicare ការបន្តសុពលភាពសិទ្ធិទទួលបាន Medi-Cal ឬកម្មវិធីឧបត្ថម្ភសម្រាប់អ្នកមានចំណូលទាបនៃផ្នែក D សូមទូរសព្ទទៅក្រុមការងាររបស់យើងតាមរយៈលេខ (844) 378-4181 (TTY: 711) ចាប់ពីម៉ោង 8 ព្រឹក ដល់ 5 ល្ងាច។ សេវានេះមានផ្តល់ជូនចាប់ពីថ្ងៃចន្ទដល់ថ្ងៃសុក្រ។

កម្មវិធី CalFresh

CalFresh ផ្តល់អត្ថប្រយោជន៍សម្រាប់ទិញអាហារប្រចាំខែដល់បុគ្គល និងគ្រួសារដែលមានចំណូលទាប។ កម្មវិធីនេះផ្តល់អត្ថប្រយោជន៍ប្រចាំខែតាមរយៈកាតផ្ទេរអត្ថប្រយោជន៍អេឡិចត្រូនិក (EBT)។ អ្នកអាចទិញអាហារនៅហាងលក់គ្រឿងទេស ឬផ្សារកសិករណាមួយដែលទទួលយកកាត EBT។ ស្វែងយល់បន្ថែមតាមអនឡាញនៅ CalFresh។ អ្នកក៏អាចទូរសព្ទទៅខ្សែទូរសព្ទជំនួយ CalFresh តាមរយៈលេខ (877) 847-3663។

Eldercare Locator


សេវាស្វែងរកធនធាន និងសេវាសម្រាប់មនុស្សចាស់ Eldercare Locator គឺជាសេវាសាធារណៈរបស់រដ្ឋបាលសហរដ្ឋអាមេរិកទទួលបន្ទុកកិច្ចការមនុស្សចាស់។ សេវានេះជួយភ្ជាប់មនុស្សចាស់ អ្នកថែទាំ និងក្រុមគ្រួសាររបស់ពួកគេទៅកាន់សេវានានា។ សូមស្វែងយល់បន្ថែមលើអនឡាញតាមរយៈ Eldercare Locator។ អ្នកក៏អាចហៅទូរសព្ទទៅពួកគេតាមរយៈលេខ (800) 677-1116 ផងដែរ។


 

ទីភ្នាក់ងារប្រចាំតំបន់សម្រាប់កិច្ចការមនុស្សចាស់នៅរដ្ឋកាលីហ្វ័រញ៉ា
 

នាយកដ្ឋានទទួលបន្ទុកកិច្ចការមនុស្សចាស់រដ្ឋកាលីហ្វ័រញ៉ា (CDA) គ្រប់គ្រងកម្មវិធីនានាដែលផ្តល់សេវាដល់មនុស្សចាស់ មនុស្សពេញវ័យដែលមានពិការភាព អ្នកថែទាំ និងអ្នកដែលរស់នៅក្នុងមណ្ឌលថែទាំរយៈពេលវែង។ សេវាទាំងនេះផ្តល់ជូននៅតាមមូលដ្ឋានដោយទីភ្នាក់ងារដែលមានកិច្ចសន្យាជាមួយខោនធី។ អ្នកអាចស្វែងរកទីភ្នាក់ងារទាំងនេះតាមតំបន់ផ្តល់សេវា។ 
 

ជំនួយនោះ រួមមាន៖ 

 

  • សេវាផ្តល់អាហារូបត្ថម្ភ

  • សេវាពីអ្នកផ្តល់សេវា

  • សេវាថែទាំតាមគេហឋាន

  • សេវាចម្រុះសម្រាប់មនុស្សចាស់

  • សេវាថែទាំរយៈពេលវែង សេវាសម្រាប់អ្នកផ្តល់សេវា និងសេវាសម្រាប់អ្នកថែទាំ

  • សេវាការងារសម្រាប់មនុស្សចាស់
     
     

ស្វែងរកការិយាល័យប្រចាំតំបន់របស់អ្នកនៅលើផែនទីដែលមានសេវា។

ជំនួយសម្រាប់ថ្លៃសេវាប្រើប្រាស់ ទឹក និងថាមពល

នាយកដ្ឋានសេវាសហគមន៍ និងការអភិវឌ្ឍរដ្ឋកាលីហ្វ័រញ៉ា (CSD) មានកម្មវិធីនានាដែលអាចជួយប្រជាជនរដ្ឋកាលីហ្វ័រញ៉ាដែលមានចំណូលទាប ក្នុងការបង់វិក្កយបត្រថាមពល និងទឹកប្រើប្រាស់។ អ្នកអាចទូរសព្ទទៅនាយកដ្ឋាន CSD តាមរយៈលេខ (866) 675-6623។

ស្វែងយល់អំពីកម្មវិធីជំនួយសម្រាប់ថ្លៃសេវាប្រើប្រាស់
2-1-1

2-1-1 គឺជាកម្មវិធីផ្តល់ព័ត៌មាន និងបញ្ជូនទៅកាន់សេវានានាដោយឥតគិតថ្លៃ ដែលជួយភ្ជាប់ប្រជាជនទៅកាន់សេវានានានៅក្នុងសហគមន៍របស់ពួកគេ។ 2-1-1 មានផ្តល់សេវា 24 ម៉ោងក្នុងមួយថ្ងៃ ប្រាំពីរថ្ងៃក្នុងមួយសប្តាហ៍។ សេវានេះផ្តល់ជូនដល់មនុស្សគ្រប់កម្រិតចំណូល គ្រប់ភាសា គ្រប់មជ្ឈដ្ឋាន និងគ្រប់តំបន់។ ទទួលបានជំនួយ និងស្វែងយល់បន្ថែមអំពីសេវាសម្រាប់លំនៅឋាន អាហារ ការដឹកជញ្ជូន សុខភាពផ្លូវចិត្ត និងសេវាផ្សេងៗទៀត។

រៀនអំពី 2-1-1
Findhelp.org ស្វែងរកកម្មវិធីជំនួយនៅក្នុងតំបន់របស់អ្នក

Findhelp គឺជាបណ្តាញសេវាជំនួយគាំទ្រផ្នែកសង្គម ដែលជួយភ្ជាប់ប្រជាជនទៅកាន់កម្មវិធីជំនួយនានា។ ស្វែងរកកម្មវិធីជំនួយផ្នែកហិរញ្ញវត្ថុ មណ្ឌលចែកអាហារ ការថែទាំវេជ្ជសាស្ត្រ និងជំនួយផ្សេងៗទៀតដែលឥតគិតថ្លៃ ឬមានតម្លៃទាប។ 

ចូលទៅកាន់ FindHelp

មជ្ឈមណ្ឌលធនធានសហគមន៍៖ Blue Shield Promise និង L.A. Care
 

Blue Shield Promise និង LA Care Health Plan ផ្តល់មជ្ឈមណ្ឌលធនធាននៅខោនធី Los Angeles ចំនួន 14 ទីតាំងផ្សេងៗគ្នា។ មជ្ឈមណ្ឌលទាំងនេះបើកផ្តល់សេវាជូនដល់សមាជិក Blue Shield ទាំងអស់ និងសាធារណជនទូទៅ។ 
 

ជំនួយនោះ រួមមាន៖
 

  • ជំនួយផ្នែកសមាជិក និងការចុះឈ្មោះ
     
  • Wi-Fi ឥតគិតថ្លៃសម្រាប់សេវាថែទាំសុខភាពពីចម្ងាយ
     
  • ជំនួយជាមួយកម្មវិធីជំនួយ
     
  • កន្លែងផ្ដល់ស្បៀងអាហារដោយឥតគិតថ្លៃ
     
  • ថ្នាក់ហាត់ប្រាណ 
     
     

សូមអានបន្ថែមអំពីមជ្ឈមណ្ឌលធនធានសហគមន៍។ 

Blue Shield of California គឺជាគម្រោង HMO, HMO D-SNP និង PDP ដែលមានកិច្ចសន្យាជាមួយ Medicare និងមានកិច្ចសន្យាជាមួយកម្មវិធី Medicaid របស់រដ្ឋកាលីហ្វ័រញ៉ា។ ការចុះឈ្មោះក្នុង Blue Shield of California អាស្រ័យលើការបន្តសុពលភាពកិច្ចសន្យា។  

Y0118_26_141C_M Accepted 08102026
H2819_26_141C_M Accepted 08102026

ទំព័រនេះបានធ្វើបច្ចុប្បន្នភាពចុងក្រោយនៅថ្ងៃទី៖ 10/1/2026