កម្មវិធី Medicare សម្រាប់ជំនួយហិរញ្ញវត្ថុ

គម្រោងបង់ប្រាក់សម្រាប់ឱសថមានវេជ្ជបញ្ជារបស់ Medicare 

Blue Shield of California ផ្តល់កម្មវិធី Medicare របស់យើងជូនដល់សមាជិកនូវជម្រើសទូទាត់ប្រាក់ ដើម្បីជួយសម្រួលដល់ការគ្រប់គ្រងចំណាយចេញពីហោប៉ៅខ្លួនឯងលើថ្លៃឱសថក្រោមកម្មវិធី Medicare ផ្នែក D។ ជម្រើសនេះ អនុញ្ញាតឱ្យមានការបែងចែកចំណាយស្មើៗគ្នាពេញមួយឆ្នាំ ជំនួសឱ្យការបង់ចំណាយខ្ពស់នៅដើមឆ្នាំ។ ចំណាយចេញពីហោប៉ៅខ្លួនឯងរបស់អ្នកលើថ្លៃឱសថក្រោមកម្មវិធី Medicare ផ្នែក D នឹងនៅតែមានចំនួនសរុបដដែលនៅចុងឆ្នាំនៃគម្រោង ទោះបីជាអ្នកចូលរួម ឬមិនចូលរួមក្នុងកម្មវិធីនេះក៏ដោយ។ ភាពខុសគ្នាតែមួយគត់ គឺរបៀបដែលអ្នកបង់ប្រាក់ និងចំនួនទឹកប្រាក់ដែលអ្នកត្រូវបង់ជារៀងរាល់ខែ។ វាមានអត្ថប្រយោជន៍បំផុតសម្រាប់សមាជិកទាំងឡាយណា ដែលនឹងបង់គ្រប់ចំនួនកំណត់អតិបរមា ដែលត្រូវចេញពីហោប៉ៅខ្លួនឯង ($2400) មុនពេលដាច់ឆ្នាំ។
 

តើវាជួយខ្ញុំដែរឬទេ?

វាអាស្រ័យលើស្ថានភាពជាក់ស្តែងរបស់អ្នក។ សូមចងចាំថា ជម្រើសទូទាត់ប្រាក់នេះអាចជួយអ្នកក្នុងការគ្រប់គ្រងចំណាយប្រចាំខែរបស់អ្នក ប៉ុន្តែវាមិនបានជួយអ្នកសន្សំប្រាក់ ឬកាត់បន្ថយចំណាយលើថ្លៃឱសថរបស់អ្នកឡើយ។

មានវិធីបីយ៉ាង ដើម្បីចុះឈ្មោះ។

1. ទាញយកឯកសារទម្រង់ PDF ដើម្បីបំពេញព័ត៌មាន រួចផ្ញើតាមប្រៃសណីយ៍មកវិញ។
   ភាសាអង់គ្លេស  (PDF, 2.6 MB) / ភាសាអេស្ប៉ាញ (PDF, 2.2 MB) / ភាសាចិន  (PDF, 2.5 MB)
2. ចុះឈ្មោះតាមអនឡាញ។
3. ទូរសព្ទទៅលេខ (833) 696-2087 (TTY: 711) ចន្លោះម៉ោង 8 ព្រឹក និង 8 យប់ បានប្រាំពីរថ្ងៃក្នុងមួយសប្ដាហ៍

សម្រាប់ព័ត៌មានបន្ថែម សូមមើលនៅគេហទំព័រ Medicare.gov

ឬទាញយកសន្លឹកឯកសារព័ត៌មាន៖
ភាសាអង់គ្លេស (PDF, 2.3 MB) / ភាសាអេស្ប៉ាញ (PDF, 1.5 MB) / ភាសាចិន (PDF, 2.3 MB)

កម្មវិធីសន្សំប្រាក់ Medicare

ប្រសិនបើអ្នកមានប្រាក់ចំណូល និងទ្រព្យសម្បត្តិមានកំណត់ អ្នកអាចមានលក្ខណសម្បត្តិគ្រប់គ្រាន់ទទួលបានកម្មវិធីសន្សំប្រាក់ Medicare ដើម្បីជួយបង់ថ្លៃចំណាយលើកម្មវិធី Medicare របស់អ្នក។ កម្មវិធីសន្សំប្រាក់ Medicare មានចំនួនបួនប្រភេទ។

កម្មវិធីអ្នកទទួលផលពី Medicare ដែលមានលក្ខណសម្បត្តិគ្រប់គ្រាន់ (QMB)

កម្មវិធី QMB ជួយបង់ប្រាក់សម្រាប់៖

• ថ្លៃបង់ធានារ៉ាប់រង Medicare ផ្នែក A
• ថ្លៃបង់ធានារ៉ាប់រង Medicare ផ្នែក B
• ប្រាក់កាត់កង ការធានារ៉ាប់រងរួម ការបង់ប្រាក់រួម (សម្រាប់សេវា និងទំនិញដែល Medicare ធានារ៉ាប់រង)

កម្មវិធីអ្នកទទួលផលពី Medicare ដែលមានប្រាក់ចំណូលទាបជាក់លាក់ (SLMB)

កម្មវិធី SLMB អាចជួយបង់ប្រាក់សម្រាប់៖

• ថ្លៃបង់ធានារ៉ាប់រង Medicare ផ្នែក B (អ្នកត្រូវតែមានទាំងផ្នែក A និងផ្នែក B ដើម្បីមានលក្ខណសម្បត្តិគ្រប់គ្រាន់។)

កម្មវិធីសម្រាប់បុគ្គលដែលមានលក្ខណសម្បត្តិគ្រប់គ្រាន់ (QI)

កម្មវិធី QI អាចជួយបង់ប្រាក់សម្រាប់៖

• ថ្លៃបង់ធានារ៉ាប់រង Medicare ផ្នែក B (អ្នកត្រូវតែមានទាំងផ្នែក A និងផ្នែក B ដើម្បីមានលក្ខណសម្បត្តិគ្រប់គ្រាន់។)

កម្មវិធីសម្រាប់ជនពិការ និងបុគ្គលធ្វើការដែលមានលក្ខណសម្បត្តិគ្រប់គ្រាន់ (QDWI)

កម្មវិធី QDWI អាចជួយបង់ប្រាក់សម្រាប់៖

• ថ្លៃបង់ធានារ៉ាប់រង Medicare ផ្នែក A តែប៉ុណ្ណោះ
   

សន្សំសំចៃថ្លៃចំណាយលើឱសថ Medicare ផ្នែក D របស់អ្នកជាមួយនឹងជំនួយបន្ថែម

អ្នកដែលមានប្រាក់ចំណូល និងធនធានហិរញ្ញវត្ថុមានកម្រិត អាចមានលក្ខណសម្បត្តិគ្រប់គ្រាន់ក្នុងការទទួលបានជំនួយពីកម្មវិធីជំនួយបន្ថែម (Extra Help) ដើម្បីជួយបង់ថ្លៃធានារ៉ាប់រង ប្រាក់កាត់កង និងការបង់ប្រាក់រួមរបស់ពួកគេក្រោមកម្មវិធី Medicare ផ្នែក D។ ប្រសិនបើអ្នកមានលក្ខណសម្បត្តិគ្រប់គ្រាន់ កម្មវិធី Medicare អាចជួយបង់ចំណាយលើថ្លៃឱសថរបស់អ្នក។ លើសពីនេះ អ្នកដែលមានលក្ខណសម្បត្តិគ្រប់គ្រាន់នឹងមិនត្រូវទទួលរងការបង់ប្រាក់ពិន័យ ដោយសារការចុះឈ្មោះយឺតយ៉ាវឡើយ។

ប្រសិនបើអ្នកទទួលបានកម្មវិធីជំនួយបន្ថែម (Extra Help) ពីកម្មវិធី Medicare ដើម្បី​ជួយ​បង់ចំណាយលើគម្រោងឱសថមានវេជ្ជបញ្ជារបស់កម្មវិធី Medicare នោះចំនួនទឹកប្រាក់ជំនួយបន្ថែម ដែលអ្នកទទួលបាននឹងកំណត់ថ្លៃបង់ធានារ៉ាប់រងប្រចាំខែសរុបរបស់គម្រោងដែលអ្នកត្រូវបង់ក្នុងនាមជាសមាជិកនៃគម្រោងរបស់យើង

សូមទាញយកតារាងតម្លៃ ដើម្បីពិនិត្យមើលថា តើថ្លៃបង់ធានារ៉ាប់រងប្រចាំខែរបស់គម្រោងអ្នកនឹងមានចំនួនប៉ុន្មាន ប្រសិនបើអ្នកទទួលបានជំនួយបន្ថែម (Extra Help)។

តារាងសង្ខេបស្តីពីថ្លៃបង់ធានារ៉ាប់រងក្រោមកម្មវិធីឧបត្ថម្ភធនសម្រាប់អ្នកមានប្រាក់ចំណូលទាប (Low-Income Subsidy, LIS) នៃគម្រោងឱសថតាមវេជ្ជបញ្ជា Medicare Advantage (MAPD)៖ អង់គ្លេស (PDF, 235 KB) /អេស្ប៉ាញ (PDF, 88 KB)

តារាងសង្ខេបស្តីពីថ្លៃបង់ធានារ៉ាប់រងក្រោមកម្មវិធី LIS នៃគម្រោងឱសថមានវេជ្ជបញ្ជា (PDP)៖ អង់គ្លេស (PDF, 166 KB) /អេស្ប៉ាញ (PDF, 85 KB)

តារាងសង្ខេបស្តីពីថ្លៃបង់ធានារ៉ាប់រងក្រោមកម្មវិធី LIS នៃគម្រោងតម្រូវការពិសេសសម្រាប់អ្នកមានសិទ្ធិទទួលបានកម្មវិធីទាំងពីរ (HMO D-SNP)៖ អង់គ្លេស (PDF, 219 KB) / អេស្ប៉ាញ (PDF, 140 KB) / អារ៉ាប់ (PDF, 339 KB) / អាមេនី (PDF, 179 KB) / ចិន (សាមញ្ញ) (PDF, 213 KB) / ចិន (បុរាណ) (PDF, 176 KB) / ហ្វាស៊ី (PDF, 257 KB) / ខ្មែរ (PDF, 183 KB) / កូរ៉េ (PDF, 241 KB) / រុស្ស៊ី (PDF, 268 KB) / តាហ្គាឡុក (PDF, 1167 KB) / វៀតណាម (PDF, 232 KB)

តារាងសង្ខេបស្តីពីថ្លៃបង់ធានារ៉ាប់រងក្រោមកម្មវិធី LIS ឆ្នាំ 2026

តើខ្ញុំអាចដឹងបានដោយរបៀបណាថា ខ្ញុំមានលក្ខណសម្បត្តិគ្រប់គ្រាន់ក្នុងការទទួលបានជំនួយបន្ថែម (Extra Help)?

ប្រសិនបើអ្នកជឿថា អ្នកមានលក្ខណសម្បត្តិគ្រប់គ្រាន់ក្នុងការទទួលបានកម្មវិធីឧបត្ថម្ភធនសម្រាប់អ្នកមានប្រាក់ចំណូលទាប (LIS) ហើយអ្នកកំពុងបង់ថ្លៃបង់ធានារ៉ាប់រងរបស់អ្នកពេញចំនួន 100% អ្នកអាចទាក់ទងទៅប្រភពជំនួយខាងក្រោម ដើម្បីទទួលបានព័ត៌មានបន្ថែម៖

• 1-800 MEDICARE (1-800 633-4227) 24 ម៉ោងក្នុងមួយថ្ងៃ/ប្រាំពីរថ្ងៃក្នុងមួយសប្តាហ៍ (លើកលែងតែថ្ងៃបុណ្យរបស់សហព័ន្ធមួយចំនួន)។ អ្នកប្រើប្រាស់ TTY អាចទូរសព្ទទៅលេខ  1-877 486-2048​ បាន 24 ម៉ោងក្នុងមួយថ្ងៃ/ប្រាំពីរថ្ងៃក្នុងមួយសប្តាហ៍។
• ការិយាល័យរបបសន្តិសុខសង្គមតាមរយៈលេខ 1-800 772-1213 ចន្លោះពីម៉ោង 8 ព្រឹក ដល់ម៉ោង 7 យប់ ពីថ្ងៃចន្ទ ដល់ថ្ងៃសុក្រ។ អ្នកប្រើប្រាស់ TTY អាចទូរសព្ទទៅលេខ 1-800 325-0778 ឬចូលទៅកាន់គេហទំព័រ https://www.ssa.gov/benefits/medicare/prescriptionhelp។
• ការិយាល័យ Medicaid នៃរដ្ឋរបស់អ្នក 

ទទួលបានព័ត៌មានបន្ថែម