Proseso at patakaran sa paglipat ng gamot

Kung ikaw ay bagong miyembro at umiinom ng inireresetang gamot na wala sa formulary ng planmo (listahan ng mga saklaw na gamot), kailangan mong sundin ang aming proseso sa paglipat ng gamot. Alamin sa seksyong ito ang mga pagpipilian mo para sa prosesong ito. Maaari mo ring basahin ang aming Patakaran sa Paglipat. 

Ano ang dapat gawin kung ang gamot mo ay wala sa formulary o kung may itinakdang limitasyon sa gamot mo

Kung ang gamot mo ay wala sa inaprubahang listahan ng mga gamot o nilimitahan:

• Puwede kang lumipat sa ibang gamot.
• Puwede kang humiling ng eksepsiyon at hilingin sa plan na saklawin ang gamot o tanggalin ang itinakdang limitasyon sa gamot.
• Maaari kang makakuha ng pansamantalang supply ng gamot. Bibigyan ka nito at ang doktor mo ng panahon para lumipat sa ibang gamot o maghain ng kahilingan para sa eksepsiyon.  

Tandaan: Tanging mga miyembro lang sa ilang sitwasyon ang makakakuha ng pansamantalang supply. (Tingnan sa ibaba)

Mga pamantayan para sa pansamantalang supply

Sa ilalim ng ilang sitwasyon, ang Blue Shield of California Medicare plan mo ay maaaring mag-alok ng pansamantalang supply ng gamot na kailangan mo. Sa pamamagitan nito, mabibigyan ka ng panahon para kausapin ang doktor mo tungkol sa available na alternatibo.

Para maging kwalipikado sa pansamantalang supply, kailangang matugunan mo ang dalawang pamantayan:

1. Dapat kabilang sa mga sumusunod na uri ang pagbabago sa coverage ng gamot mo:

• Ang gamot na iniinom mo ay wala na sa listahan ng gamot (formulary) ng plan.
• Ang gamot na iniinom mo ay nilimitahan sa ilang paraan. Ipinapaliwanag sa Kabanata 5, Seksyon 4 sa Ebidensya ng Saklaw (Evidence of Coverage, EOC) ang mga limitasyon.

2. Dapat na kabilang ka sa isa sa mga sitwasyong ito:

• Para sa mga miyembro na nasa plan noong nakaraang taon at apektado sa mga pagbabago sa coverage ng gamot:
  Sasaklawin namin ang pansamantalang supply ng gamot mo sa unang 90 araw ng taon sa kalendaryo. Ang pansamantalang supply na ito ay para sa maximum na 30 araw na supply. Kung ang reseta mo ay para lang sa ilang araw, pinapayagan namin ang higit sa isang beses na pag-refill para makakuha ka ng hanggang pang-30 araw na supply ng gamot. Dapat mong punan ang reseta sa isang pharmacy na nasa network. (Ang mga pharmacy ng pangmatagalang pangangalaga ay maaaring magbigay ng mas kaunting gamot para maiwasan ang pag-aaksaya.)
• Para sa mga bagong miyembro na apektado ng mga pagbabago sa coverage ng gamot:
  Sasaklawin namin ang pansamantalang supply ng gamot mo sa unang 90 araw ng taon sa kalendaryo. Ang pansamantalang supply na ito ay para sa maximum na 30 araw na supply. Kung ang reseta mo ay para lang sa ilang araw, pinapayagan namin ang higit sa isang beses na pag-refill para makakuha ka ng hanggang pang-30 araw na supply ng gamot. Dapat mong punan ang reseta sa isang pharmacy na nasa network.
• Para sa mga miyembro na ng plan nang mahigit sa 90 araw, nakatira sa pasilidad ng pangmatagalang pangangalaga, at nangangailangan ng agarang supply:
  Sasaklawin namin ang pang-31 araw na supply ng partikular na gamot, o mas kaunti kung mas kaunting araw ang nakasulat sa reseta mo. Bukod ito sa sitwasyon ng pansamantalang supply ng gamot na nabanggit sa itaas.

Kung wala kang coverage sa inireresetang gamot (Medicare Part D), isaalang-alang kung ang Medicare prescription drug plan ay angkop sa iyo.

Matuto nang higit tungkol sa patakaran ng Blue Shield sa paglipat:

Patakaran sa paglipat, English (PDF, 221 KB)

Patakaran sa paglipat, Spanish (PDF, 220 KB)

Patakaran sa paglipat, Arabic (PDF, 530 KB)

Patakaran sa paglipat, Armenian (PDF, 482 KB)

Patakaran sa paglipat, Chinese (Simplified) (PDF, 342 KB)

Patakaran sa paglipat, Chinese (Traditional) (PDF, 353 KB)

Patakaran sa paglipat, Farsi (PDF, 469 KB)

Patakaran sa paglipat, Khmer (PDF, 731 KB)

Patakaran sa paglipat, Korean (PDF, 169 KB)

Patakaran sa paglipat, Russian (PDF, 364 KB)

Patakaran sa paglipat, Tagalog (PDF, 292 KB)

Patakaran sa paglipat, Vietnamese (PDF, 318 KB)